A vida é complicada abondo e agasalla, día a día, intres ruíns arreo como para engadirlle vinagre. Abro esta porta coa intención de que sexa como tomar unha caña, un café ou unha copa de bon viño, cun pequeno grupo de amigos logo do traballo. Tentarei responder sen grandes demoras ás cuestións que me comentedes.
Por razóns obvias de tempo e esforzo non podo manter unha versión multilingüe do blog. Escribirei as entradas en castelán ou galego e tentarei responder na lingua que me escribades (inglés, francés ou italiano; en portugués, fareino en galego "axeitado"...).